កណ្ដាល : នៅថ្ងៃពុធ ទី១៩ ខែឧសភា ឆ្នាំ២០២១ រដ្ឋបាលខេត្តកណ្ដាល សម្រេចបិទផ្សាររដ្ឋទាំងអស់ក្នុងក្រុងតាខ្មៅ រយៈពេល៧ថ្ងៃបន្តទៀតគិតចាប់ពីម៉ោងសូន្យ នាថ្ងៃទី២០ ខែឧសភា ឆ្នាំ២០២១ រហូតដល់ថ្ងៃទី២៦ ខែឧសភា ឆ្នាំ២០២១។
រដ្ឋបាលខេត្តបន្តទៀតថា នាយករដ្ឋបាលសាលាខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ ប្រតិបត្តិការសឹករងកណ្តាល អភិបាល នៃគណៈអភិបាលក្រុងតាខ្មៅ ប្រធានមន្ទីរសុខាភិបាល នៃរដ្ឋបាលខេត្ត ប្រធានមន្ទីរ - អង្គភាពពាក់ព័ន្ធ និងចៅសង្កាត់ពាក់ព័ន្ធ ត្រូវទទួលបន្ទុកអនុវត្តសេចក្តីសម្រេចនេះ តាមភារកិច្ចរៀងៗខ្លួន ចាប់ពីថ្ងៃចុះហត្ថលេខានេះតទៅ៕
ព័ត៌មានជាច្រើនទៀតសម្រាប់អ្នក
